Кошаркарите на Црвена Звезда постигнаа убедлива победа на гостувањето во Загреб против шампионот Цибона во рамките на 2.коло од АБА лигата. Тимот од Белград синоќа славеше триумф со 88:64.
Прва победа во новото првенство постигна и МЗТ Скопје совладувајќи го Задар со 72:58, а Унион Олимпија беше поуспешна од Цедевита со 77:67.
По две победи по некомплетното второ коло имаат Црвена Звезда и Унион Олимпија.
Другите натпревари од второто коло се играат денеска: Шолнок – Металац, Игокеа – Будуќност, Левски – Мега Визура и Партизан – Крка.