Легендарниот парагвајски голман Хозе Луис Чилаверт го коментираше прашањето: кој е подобар фудбалер – актуелната sвезда на Аргентина, Лионел Меси, или поранешната – Диего Марадона. Чилаверт вели дека меѓу двајцата фудбалери нема никаква споредба, затоа што Меси е многу подобар.
„Меси е најдобар на светот, без сомнение. Марадона не освои ниту 1% од она што го освои Меси. Лео можеше да игра за Шпанија и да биде предавник, но тој остана лојален на Аргентина и Аргентинците треба да му бидат благодарни,“ изјави Чилаверт.
Марадона ја освои светската титула со Аргентина во 1986 година, а на првенството четири години подоцна, загуби во финалето од Германија. Тој исто така е освојувач на „Златната топка“ за најдобар фудбалер во светот во 1986 година.
Меси е олимписки шампион во 2008 година, четирикратен освојувач на Лигата на шампионите и шесткратен добитник на „Златната топка“ на Франс Фудбал.