Доскорешниот македонски кошаркарски репрезентативец и член на Работнички, Ѓорѓи Чековски кариерата ќе ја продолжи во Сигал Приштина.
Токму во клубот од косовскиот главен град Чековски настапуваше пред 11 години, односно во сезоната 2003/04, кога стигна до шампионската титула со овој клуб.
Официјализирањето на договорот и промоцијата на популарниот Станко во неговата нова средина се очекува наредната недела.
Сигал Приштина е актуелен шампион во БИБЛ лигата. Предводена е од македонскиот тренер Марјан Илиевски.