Чеферин има свој фаворит за домаќин на СП во 2030

Од:

Јубилејот, 100 години од првото Светско првенство, првиот човек на УЕФА, Александар Чеферин, има желба да биде прославен на европска почва. Верува дека организацијата на мундијалот во 2030 година ќе ѝ биде доделен на Европа.

dobivaj vesti na viber

СП оваа година ќе се одржи во Катар, а во 2026 година домаќини ќе бидат САД, Канада и Мексико.

Чеферин е сигурен дека организацијата на СП во 2030 година ќе го добијат Португалија и Шпанија.

„Ќе направиме сè што можеме за да помогнеме. Време е Европа да биде домаќин на Светското првенство и имаме некои планови за тоа“, изјави Чеферин и посочи дека последниот мундијал во Европа се одигра во 2018 година.

„Сигурен сум дека Светското првенство во 2030 година ќе се игра во Португалија и Шпанија, две земји што го чувствуваат фудбалот. Тоа е победничка понуда и ќе направиме сè за да им помогнеме на земјите што живеат фудбал и имаат одлична инфраструктура“, рече Чеферин.

Досега желба за домаќин на Светското првенство во 2030 година изразија Уругвај, Аргентина, Парагвај и Чиле, кои како четири земји заедно би го донеле турнирот во Јужна Америка на 100-годишнината од првиот турнир во Монтевидео.

Тука е и кандидатурата на Мароко, заедничката кандидатура на Португалија и Шпанија, а медиумите шпекулираат дека е можна заедничка кандидатура на Грција, Саудиска Арабија и на Египет.

Извор: Топспорт

Би можело да ве интересира

Ренџерс-Наполи преместен еден ден подоцна и со забрана на гостински навивачи

УЕФА ги казни АЗ Алкмар и Аполон

Седлоски: Подготвени сме за предизвикот и веруваме во пласман во групите од КЛ

Има работа за УЕФА: Фудбалерите на Македонија ЃП во Софија навредувани дека се „Бугари“

УЕФА покрена истрага за скандирањето „Путин“ на навивачите на Фенербахче

УЕФА ја казни Србија