Тимот на Будуќност од Подгорица синоќа ја забележа петтата победа во регионалната кошаркарска АБА лига и со максимални 10 бодови е лидер на табелата.
До петтиот триумф подгоричани стигнаа против актуелниот шампион на Јадранот, екипата на Цибона од Загреб со 101:79.
Македонскиот првак МЗТ Скопје Аеродром во Ново Место убедливо загуби од Крка со 85:52.
Резултати на другите три одиграни натпревари од 5.коло: Шолнок – Левски 81:67, Партизан – Металац 84:77 и Мега Визура – Олимпија 85:66.
Денеска играат Задар – Црвена звезда и Цедевита – Игокеа.
Пред комплетирањето на 5.коло, на врвот е Будуќност со максимални пет победи, Црвена звезда има четири и натпревар помалку, Крка е со учинок 4-1.