Најавеното излегување на Велика Британија од Европската унија, може да има негативен ефект и врз одредени спортови, најмногу врз фудбалот и особено Формула 1.
Кога ќе стапи во сила Брегзит, сите фудбалери кои се од ЕУ, ќе станат странци, а бројот на такви играчи е ограничен, па ќе треба да се менуваат правилата во тој дел. Помалиот број на странци во тимовите ќе значи и нивно ослабување, и слабеење на трансфер пазарот, но не се очекуваат проблеми околу визите.
Седиштето на Формула 1 е во Велика Британија, дури седум од десетте тима имаат канцеларии или фабрики на островот, многу луѓе се вработени таму, и ефектот ќе биде многу негативен.