Македонскиот кошаркарски репрезентативец Владимир Брчков во следните две сезони ќе го носи дресот на Кожув од Гевгелија.
Според договорот, обврската е на една плус една година што значи дека клубот може да го задржи и во наредната сезона.
Брчков е дел од 12-те репрезентативци на Македонија што настапија на досегашните четири натпревари од квалификациите за ЕП 2015, но тој е единствениот што не доби ниту една минута. Тоа што е дел од репрезентацијата значи дека по завршувањето на квалификацискиот циклус ќе се приклучи на подготовките на својот нов тим.
Брчков минатата сезона го носеше дресот на повеќекратниот шампион Работнички, а се повреди во плеј офот.