Најбрзиот човек во светот сака да отвори ресторан и тоа заедно со славниот британски готвач Гордон Ремзи.
Светскиот рекордер 100, 200 и 4х100 метри би сакал да отвори ресторан поврзан токму со овој спорт.
„Ја сакам храната, го сакам и спортот. Сонувам за да ги поврзам овие две работи, но проблемот е во тоа што во тематските ресторани квалитетот на храната никогаш не е на потребното ниво, за разлика од стилот“, рекол Болт.
Атлетичарот од Јамајка смета дека ако се реши на ваков чекор, тогаш тоа треба да го направи со најдобриот, а со кој друг ако не со Гордон Ремзи.
Болт во Британија треба да престојува од јануари и тогаш планира да закаже состанок со вештиот готвач, пишува Сан.