Швајцарската тенисерка Белинда Бенчиќ (18 години) е победничка на „Роџерс купот“ во Торонто откако нејзината ривалка во финалето Симона Халеп од Романија при резултат 7:6 (7:5), 6:7 (4:7) и 3:0 во третиот сет поради повреда на левата нога го предаде мечот.
Бенчиќ на патот до титулата стигна откако успеа да елиминира четири од најдобрите шест тенисерки на ВТА листата: Серена Вилијамс, Симона Халеп, Каролине Возниацки и Ана Ивановиќ. Ова за Бенчиќ е втора титула во кариерата откако првата ја освои во јуни годинава во Истбурн.
Таа има серија од 21 победа во 25 меча и од денеска се наоѓа на 12.то место на ВТА листата со скок од осум позиции.
Симона Халеп, која го предаде мечот имаше проблеми и со високата температура во Тороното и изјави:
– Жалам но не можам да го доиграм мечот. Едноставно е невозможно.
Тенисерките и тенисерите оваа недела ќе настапуваат на турнирот во Синсинати.