Легендарниот Дејвид Бекам уште еднаш покажа колку го почитува Лионел Меси.
Поранешниот играч на Манчестер Јунајтед, Реал Мадрид, Милан и ПСЖ, кој сега е сопственик на Интер Мајами, изјави дека аргентинската фудбалска икона е најдобриот играч на сите времиња.
Оваа изјава ја даде за време на разговор на аудиовизуелниот саем МИП во Лондон, а неговиот став предизвика големо внимание во фудбалскиот свет.
Бекам немаше дилеми кога зборуваше за Меси, посочувајќи дека не постои играч кој може да му парира.
– Лео е најдобриот играч на светот на сите времиња – рече популарниот Англичанец.
Освен за Меси, Бекам зборуваше и за актуелните фудбалски случувања. Тој предвиде дека Реал Мадрид ќе ја освои Лигата на шампионите оваа сезона, но се осврна и на проблемите на Манчестер Сити.
Тој особено го пофали Пеп Гвардиола, посочувајќи дека флуктуациите во формата се нормална работа во фудбалот.
– Пеп е еден од најдобрите тренери во светот. Секој голем клуб поминува низ периоди на транзиција, особено кога има промени во составот. Понекогаш е потребно време за тимот да се стабилизира – рече тој.