Репрезентациите на Австралија и на Шпанија се првите полуфиналисти на Светското првенство за кошаркарки, што се одржува во Турција.
Австралија во првото полуфинале ја победи Канада со 63:52, а решавачка беше втората четвртина која кошаркарките на Австралија ја добија со 17:7. Во полуфиналето Австралија ќе игра со победникот од дуелот САД – Франција, што се игра вечер од 20:15 часот.
Шпанија во второто четвртфинале ја совлада Кина со 71:55. Шпанските кошаркарки победата ја обезбедија во првиот дел што го добија со 35:17. Противник на Шпанија во полуфиналето ќе биде победникот од дуелот меѓу домаќинот Турција и Србија што се игра од 18 часот.