По осум години и неколку сериски и спортски изведби, на Саемот во Женева во март годинава, ќе имаме можност да ја видиме новата генерација на Ауди Р8.
Ауди на Саемот во Женева премиерно ќе ја претстави и електричната Е-трон изведба.
Новата генерација на Ауди Р8 во Женева ќе биде претставена во купе и електрична изведба. Производството се очекува да почне во јуни.
Ауди Р8 во понуда ќе се најде со 4,2 литарски В8 и 5,2 литарски В10 мотори со поголема моќност и намалена потрошувачка. Подоцна се очекува да биде понуден и 4,0 литарски твин-турбо В8 мотор.
Новата генерација на Р8 ќе биде полесна од актуелната, ќе има поголемо меѓуоскино растојание, а најверојатно ќе биде достапна единствено со седумстепен менувач со двојна спојка.
Електричната изведба Е-трон се очекува да има автономија на движење од околу 500 километри.