Играњето против Лидс е како да одите кај стоматолог. Ова го изјави Микел Артета по тешката победа над Арсенал синоќа.
Шпанецот го пофали противникот кој доминираше во првото полувреме и создаде серија ситуации,кои што ги промаши. Во второто, сепак, домаќините се подобрија и запишаа победа со гол на Рис Нелсон.
– Тие се кошмар за кој било тим. Како што реков пред натпреварот, играњето против Лидс е како да одите кај заболекар. Воопшто не е пријатно, затоа што тие отежнуваат многу, играат напорно и се одличен тим. Тие успеваат да покажат високо ниво на секои 3 дена и она што го изградија е навистина многу сериозно. Секој пат кога ќе се анализираат нивните натпревари, токму тоа се гледа, изјави Шпанецот
Најголемата промена по паузата, според Артета, била во ставот и подобрувањето на агресијата и интензитетот на тимот.
– Јас продолжувам да учам нови работи секој ден за момчињата, нивните реакции, кога заостануваат и кога водат. После победата над Манчестер Јунајтед, тие можеби се опуштија, но треба да бидат свесни дека сега не е време за тоа и ако не сме на вистинско ниво, ќе страдаме, додаде тој.