Агенцијата за млади и спорт одлучи оваа година да издвои двојно повеќе финансиски средства за Охридскиот пливачки маратон, со цел да се одржи континуитетот на оваа традиционална манифестација.
Охридскиот пливачки маратон ќе се одржи утре. Ова традиционално спортско натпреварување е дел од Гран при серијата на Меѓународната пливачка федерација.
Оваа година, Охрид е домаќин на вкупно 22 натпреварувачи, 15 натпреварувачи во машка и 7 во женска категорија.
Повторно ќе бидеме сведоци на одличната физичка и психичка подготвеност на натпреварувачите, кои во охридските води ќе го манифестираат натпреварувачкиот дух, фер плејот и желбата за успех.