Со триумфот во финалето на Ролан Гарос, Карлос Алкараз стана најмладиот тенисер кој победил на сите три подлоги на Грен слемовите, но има уште рекорди што може да ги собори но и такви што повеќе не може.
Со победата над Александар Зверев (6:3, 2:6, 5:7, 6:1, 6:3) во Париз, тој ја освои третата Грен слем титула по успехот на УС Опен и Вимблдон.
Тоа го направи на возраст од 21 година и 35 дена, со што стана четвртиот најмлад човек што го направил тоа.
Тој ги надмина играчите како Новак Ѓоковиќ и Роџер Федерер кои не му се ни блиску по овој параметар, но остана зад три големи тениски легенди.
На третото место на таа листа се Рафаел Надал (21 година и седум дена), Матс Виландер (20 години и 109 дена) и Бјорн Борг (20 години и 27 дена).
Швеѓанецот остана неприкосновен со една година „луфта“ и тешко е да се замисли како некој ќе го собори тој рекорд.