Алкалоид нов клуб на македонската ракометна сцена

Од:

Македонската ракометна сцена од денес е побогата за уште еден клуб. Нов член на Првата лига е РК Алкалоид. Главен спонзор на клубот кој ќе се потпира на млади и талентирани играчи ќе биде фармацевтската компанија Алкалоид.

– Наша цел е настап во Првата лига каде се кали челикот кога се работи за млади ракометари. Сакаме овие играчи да ги насочиме на вистински пат преку правилна работа со нив и соодветни услови. Тоа е и нашата цел како компанија, чии основни начела за професионален пристап во операциите, што ќе се пренесе и во овој клуб, изјави првиот човек на компанијата Алкалиод и на Ракометната федерација на Македонија, Живко Мукаетов.

Раководството на РК Алкалоид договори соработката со КЛ7, брендот на најдобриот македонски ракометар Кирил Лазаров.

– Чест ми е што сум дел од овој проект кој е за доброто на македонскиот ракомет. Ќе се трудиме да изградиме македонски ракометари кои во иднина ќе бидат дел од репрезентацијата. Целта е на младите играчи да имаат квалитетен тренинг и квалитетна тренерска работа, истакна Лазаров.

За претседател на РК Алкалоид е назначен Горан Минов, поранешен ракометар.

Би можело да ве интересира

Започнува 29. Македонско ракометно првенство

Ана Ололовска

Вардар го освои 49. Струшки ракометен турнир

Ана Ололовска

Голден Арт КЛ7 на 4 август ги стартува подготовките за претстојната сезона

Ана Ололовска

Французинот Мане нов ракометар на Металург

Ана Ололовска

Еурофарм Пелистер започна со подготовки за новата сезона

Ана Ололовска

Даев: Не знам зошто Лазаров се повлече, ние останува на проектот Голден Арт КЛ7

Ана Ололовска