Тренерот на Јувентус, Масимилјано Алегри по синоќешниот пораз од Реал во финалето на Лигата на шампионите изјави дека тимот ќе остане ист и за следната сезона.
– Горд сум на моите играчи и на постигнатото оваа сезона. Ова не е крај на нашата ера. Џиџи Буфон останува голман на Јувентус, Андреа Барзаљи исто така ќе биде и понатаму наш играч. Ни претстои мал одмор, а потоа пак ќе бидеме свежи и мотивирани. Животот нуди нови шанси, а на нас е подготвено да ги дочекаме, истакна Алегри.
Јувентус синоќа во Кардиф го загуби (1:4) своето седмо финале во деветтиот обид да стане европски шампион.