Најпознатиот Албанец во американскикот фудбал, 22-годишниот Серџо Гуралеци во понеделникот ненадејно починал на тренинг со фудалерите на неговиот клуб „Стерлинг Хајтс Стивенсон”, јави дописникот на МИА од Тирана.
Младиот и надежен Гуралеци наеднаш се струполил, а напорите на неговите колеги и лекарот кој веднаш пристигнал да го вратат во живот, биле попусти.
– Неговата смрт беше неочекувана и неговата загуба претставува огромна загуба за амриканскиот фудбал во целина. Гуралеци го живееше неговиот американски сон, кого го замислуваше со големи успеси, а неговото постојано насмеано лице засекогаш ќе остане во моето сеќавање, изјави капитенот Стив Горалски.
Според неговата желба, како што претходно кажувал, пред другарите и роднините, ќе биде погребан, во Албанија.
Неговиот матичен клуб, како што пренесува весникот „Шекули“ отворил жиро сметка за да се соберат пари за исполнување на неговата последна желба, да почива во Албанија.