По 27 часа пребарување на околината на Бањско поле кај Бор, полицијата ја прекина теренската потрага по исчезнатато девојче Данка Илиќ (2), која се води како исчезната од вторник попладне. Зошто е прекината потрагата на теренот и кои се следните чекори во истрагата за случајот што ја шокираше Србија.
– Досегашните резултати укажаа на нов правец во кој треба да оди истрагата. Пребарувањето на теренот е прекинато, но работата за пронаоѓање на девојчето е интензивирана и нема да биде запрена додека не се најде детето – изјави за „Блиц“ добро упатен извор.
Зошто беше прекинато пребарувањето на терен?
Во последното полициско соопштение пишува дека по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка Бања, припадниците на МУП ги прекинале понатамошните претреси „со оглед на дека сите досегашни резултати укажуваат дека девојчето не е на овој простор од околу 10 квадратни километри“.
Каде исчезна Данка?
Од полициското соопштение може да се заклучи дека полицијата не верува дека исчезнатата Данка се наоѓа на темелно пребараниот простор до чии надворешни граници 22-месечното девојче објективно ќе можеше да стигне доколку се движеше без ничија помош.
Тој факт упатува на други насоки во истрагата:
– дека некој ја киднапирал Данка Илиќ и ја однел од областа која подоцна била претресена,
– дека исчезнатата Данка Илиќ никогаш не била ни во областа Бањско поле во кобниот вторник,
– дека исчезнувањето на Данка Илиќ не се ни случило на начин како што првично беше пријавено.
Како полицијата ќе ја продолжи истрагата и потрагата по исчезнатата Данка?
Полицијата сега го проверува приватниот живот и контактите на сите членови на семејството. Повторно се прочешлани нивните изјави, како и деталите од пријавата на мајката на Данка за исчезнувањето на детето – времето на кобниот настан, каде отишле пред исчезнувањето, каде отишла мајката откако се случило исчезнувањето.
Треба да се истакне дека тоа што полицијата ги испитува постапките на сите членови на семејството, вклучително и мајката и таткото кои биле на полиграфски преглед, не значи дека тие се виновни за нешто.