Денешниот состанок во рамките на техничкиот дијалог помеѓу Белград и Приштина за примена на договорот заврши, а ќе продолжи утре.
На дневниот ред денес беа полицијата и правосудството, а учесниците по состанокот не дадоа изјави.
Во белградскиот тим денес беа помошникот на министерот за внатрешни работи на Србија, Младен Курибак и заменикот на директорот на полицијата, Бранислав Митровиќ, пратени со експерти од Министерството за правда.
Вечерва се очекува да пристигнат и советникот на претседателот на Србија, Марко Џуриќ и координаторот на одборот за имплементација, Александар Вулин.
Од другата страна на столот беа потпретседателите на косовската влада Едита Тахири и Хајредин Кучи, како и функционери од одредени области.
Европската комисија ја претставуваше Фернандо Центилини, директор за Западен Балкан во ЕЕАС и близок соработник на Кетрин Ештон.
Покрај полицијата и правосудството, денес и утре ќе се разговара и за темите поврзани со спроведување на договорот кој на 19-ти април го парафираа претседателот на српската влада, Ивица Дачиќ и косовскиот премиер Хашим Тачи, а ќе се разговара и за електрична енергија и телекомуникација.
Се очекуваа оваа рудна да биде на исклучително интензивна, не само поради сложените теми, туку и поради роковите кои што се договорени на последниот бриселски состанок на Дачиќ и Тачи.
Елена Георгиевска