Оо почетокот на војната во Украина, сè поголем број руски граѓани ја напуштија таа земја.
Главна причина за тоа е стравот од мобилизација. Како што пишува Дневни аваз, тоа се одразува и на Балканот.
Кога станува збор за БиХ, руските државјани најмногу доаѓаат од Србија, Црна Гора и Турција, а крајна дестинација им се некои од земјите на Европската унија. Лани и во првите шест месеци од годинава во Босна и Херцеговина влегле 154.753 руски државјани.
Само оваа година до 1 јули во земјата влегле речиси 80.000 Руси.
Во моментов, во мигрантските кампови во Босна и Херцеговина има и голем број руски државјани.
Освен како транзитна рута, некои од нив решиле да останат во Босна и Херцеговина и да започнат бизнис.
Од почетокот на војната, само во Сараево се регистрирани триесетина фирми чии сопственици се од таа земја.