Границата од македонска страна е премногу лошо чувана, а Србија прави се за да спречи влез на мигрантите на нејзина територија, изјави српскиот министер за социјална работа, Александар Вулин.
– Се плашам дека македонската полиција нема капацитет да ја контролира границата. Границата од нивна страна е многу лошо чувана, рече Вулин за РТС.
Тој додаде дека грницата на Србија е добро обезбедена и дека околу 400 мигранти се вратени во Македонија.
– Синоќа единиците на српската жадармерија запреа 21 група со околу 400 луѓе и ги врати на територијата на Република Македонија. Пред неколку дена имаше педесетина групи со 1320 луѓе. Веќе се слуша дека нашата граница е добро чувана, дека е цврста, рече Вулин за РТС.
Тој посочи дека полицијата е најзначајна во овој процес и дека е постигнат договор полициите на Србија, Унгарија и Австрија да патролираат на границата помеѓу Србија и Македонија, со оглед дека македонската полиција нема капацитет тоа самата да го реши.
Тој додаде дека ниту еден мигрант не останал без храна и здравствена заштита во Србија.