Српскиот претседател Александар Вучиќ се огласи на својот Инстаграм профил.
– Заедно со народот, се борев и ја кренав Србија од пепелта. Додека сум жив, ќе се борам против сите што ни посакуваат зло – рече Вучиќ.
Вучиќ се сретна со тимовите одговорни за енергетската стабилност и безбедност на земјата и рече дека биле разгледани сите актуелни предизвици и дека се донесени важни заклучоци со цел да се заштитат интересите на Србија и да се обезбеди безбедно и сигурно снабдување за граѓаните и економијата на Србија.
– Продолжуваме да работиме одговорно, сериозно и посветено, со целосно разбирање на сложените околности во кои се наоѓа цела Европа – рече претседателот Вучиќ во објава на Инстаграм.
Како што изјави, Србија доследно ќе спроведува мерки што ја штитат нејзината енергетска безбедност и долгорочните национални интереси.