Српскиот претседател Александар Вучиќ денес изјави дека, според информациите што ги добил, телото на генералот Ратко Младиќ е преземено во Хаг и треба да пристигне во Србија доцна попладне.
„Колку што знам, телото е преземено и треба да пристигне во Србија доцна попладне“, рече Вучиќ за време на посетата на Ада.
Тој додаде дека верува оти синот на Младиќ, Дарко, ќе ја информира јавноста во наредните часови и денови за тоа што сака семејството кога станува збор за погребот на генералот Младиќ.
„Ќе бидеме таму, за да обезбедиме секаков вид логистика, транспорт и поддршка за зачувување на јавниот ред, мир и безбедност“, рече Вучиќ, одговарајќи на новинарско прашање дали е вистина дека телото на генералот Младиќ ќе пристигне во Србија денес.
