Претседателот на Србија Александар Вучиќ денеска во одговор на прашање за притисоците за одржување на Европрајд истакна дека Србија се соочува со многу поголеми проблеми. Тој рече дека од една страна владее хистерија против парадата, од друга страна хистеријата на оние кои нема да слушнат дека нема безбедносни услови за нејзино одржување.
– Имате два екстремни дела во опозицијата, бидејќи во овие услови пристојната Србија главно молчи. Некои би оделе по секоја цена, принудувајќи ги другите да се спротивстават. И ако ги прашате што е рационално, никој не знае да ви каже. Од една страна ја имате хистеријата против парадата, од друга страна хистеријата на оние што нема да слушнат дека нема безбедносни услови – рече Вучиќ.
„Нема да има промена во таа одлука. Може да ме повикаат Џозеф Бајден, Зеленски, Путин… нема промена. Така се однесува државата. Државата безброј пати мери, а кога крати, одлуките на државата се почитуваат“, нагласи Вучиќ.