Денес, по средбата со американската делегација, претседателот на Србија, Александар Вучиќ, на прес-конференцијата изјави дека специјалниот претставник на претседателот на САД, Ричард Гренел, дошол до идеја заеднички да се реновира зградата на Генералштабот и Министерството за одбрана на Србија, коja бешe оштетенa за време на бомбардирањето од страна на НАТО.
„Гренел ја соопшти идејата, разговаравме кратко за тоа, како заеднички да ја реновираме зградата на Министерството за одбрана и Генералштабот. Тоа е важно и вредно, секако, зачувувајќи ги историските архитектонски форми, во согласност со фактот дека објектот е под заштита на државата и градот“, рече Вучиќ.
Зградата на Генералштабот на српската армија и Министерството за одбрана која се наоѓа во Белград е изградена помеѓу 1955 и 1965 година, а беше бомбардирана за време на нападот од страна на НАТО кон Србија во 1999 година.