Првиот потпретседател на српската влада, Александар Вучиќ денес изјави дека млекото во Србија е добро и дека нивото на афлатоксин во млечните производи е намален.
Тој за „Б92“ истакна дека не знае колку е сега нивото на афлатоксин во млекото, но нагласи дека е намален и дека наскоро и официјално ќе биде пропишано дека не смее да биде поголем од 0,05 микрограми по литар, што е европски стандард.
Како што наведе, тие што тврдеа дека домашното млеко не чини, купуваа станови во Беч, а земјоделците поради тоа имаа големи загуби.
Владата на Србија на 28-ми февруари дозволи зголемување на дозволената концентрација афлатоксин во млекото од 0,05 на 0,5 микрограми по литар.
Одлуката беше донесена откако на почетокот годинава во регионот и Србија беше утврдено зголемено ниво на афлатоксин во млекото.
Елена Георгиевска