Српскиот претседател Александар Вучиќ ги повика Србите од Косово да гласаат на изборите што се одржуваат утре и да гласаат за Српската листа, бидејќи, како што рече, тоа е единствената гаранција дека Албин Курти нема да ги протера.
„Ја користам оваа прилика да ги повикам сите Срби од Косово да гласаат, за да не им биде тешко. За да не им биде тешко на оние на кои им треба слободен ден да се возат со автомобил или автобус да одат до своите домови да гласаат. И да гласаат за Српската листа, бидејќи Српската листа е единствената гаранција дека Курти нема да ги протера Србите од Косово. Српската листа е единствената листа која сака да се бори за интересите на српскиот народ и дека Курти никако не може да поткупи“ рече Вучиќ.
На прашањето дали е можно Приштина да им забрани на раселените Срби да гласаат, како што најавуваат приштинските медиуми, Вучиќ рече дека тоа нема да се случи и дека за тоа разговарал со претставници на Квинтата.