Најдобар претседател во регионот е Александар Вучиќ – вели во интервју за „Вечерњи лист“, градоначалник на Љубљана, 69-годишниот Зоран Јанковиќ, кој најдолго остана на оваа позиција.
„Што и да мисли некој за претседателот на Србија, Александар Вучиќ, тој за мене е најдобар претседател на територијата на поранешна Југославија. Од друга страна, најдобар премиер е Хрватот Андреј Пленковиќ. Тоа го признавам, иако Вучиќ и Пленковиќ се десничари, а јас левичар“, откри Јанковиќ во интервјуто.
Покрај кандидатурата, тој отворено зборуваше и за иднината на хрватско-словенечките односи, за новиот премиер на Словенија Роберт Голоб, за состојбите во регионот, за неговиот животен пат и како од мигрант станал градоначалник, за Ивица Тодориќ, и призна дека на некои во Словенија му пречи неговото српско потекло и дека жали што не станал премиер.