Српскиот премиер Александар Вучиќ упати денеска писмо до претседателот на САД Барак Обама, во кое се истакнува дека Владата на Србија ја поддржува борбата против Исламска држава, и оти е подготвена да ја помогне борбата со скромните средства со кои располага, јави Танјуг.
Писмото до Обама, премиерот Вучиќ му го врачи на амбасадорот на САД во Србија Мајкл Кирби.
Премиерот со американскиот амбасадор, како што е соопштено, разговарал за ситуацијата и односите во регионот, економските реформи и договорот за отворено небо, што, како што е истакнато, би овозможило летови на српски авиокомпании за САД.
Тема на разговорите била и опасноста од ширење на еболата и подготвеноста на Србија да се приклучи кон борбата за нејзино сузбивање, се наведува во соопштението.