До крајот на март, Србија ќе добие дополнителни еден милион вакцини против Ковид-19 објави претседателот, Александар Вучиќ. Во видео обраќање на Инстаграм, Вучиќ вели дека не се работи за договорите според кои „Србија обезбедила 6,5 милиони вакцини“ туку за реални вакцини кои во земјата ќе пристигнат во февруари и во март.
Вучиќ уште вели дека се радува оти граѓаните на Србија го разбрале значењето на вакцинацијата во битката со пандемијата.