Српскиот претседател Александар Вучиќ зборуваше за сите актуелни теми на ТВ Пинк.
Коментирајќи ги денешните настани во српското Собрание, претседателот рече дека денеска е тежок ден за Србија, за секој нормален граѓанин.
– Бевме сведоци на нешто на што не сме сведоци од воспоставувањето на повеќепартискиот систем – рече Вучиќ.
Како што вели, се работи за малтретирање, хулиганско однесување.
– Најважно е дека повредените пратеници се добро. Една пратеничка дури доживеа и мозочен удар и е на интензивна нега. Таа ми е пријателка 25 години, изјави Вучиќ.
Како што вели, се надева дека ќе биде добро. Тој додава дека на пратеничката Соња Илиќ, која е во осмиот месец од бременоста е добро, а и на бебето.
– Таа успеа да остане бремена при нејзиниот трет обид за ин витро оплодување. И таа треба да роди син за еден месец. Веќе му дадоа име и со нетрпение го чекаат, ќе се вика Гаврило и сакаат да го крстат во Дечани. Денеска го видов нејзиниот сопруг во некои медиуми и тоа некако ме скрши, изјави Вучиќ.