Војската вклучена во гасење на пожарот на Стара планина

Од:

Припадници на копнената војска и хеликоптер Ми-17 на Воздухопловните сили се обидуваат да го изгаснат големиот шумски пожар на Стара планина и националниот парк Рила, соопшти Министерството за одбрана на Бугарија.

Во напорите за гасење на пожарот се вклучија и 21 припадник на воената единица за реагирање при елементарни непогоди.

Главниот комесар Николај Николов, раководител на Генералниот директорат за пожари и цивилна заштита, рече дека пожарот на Стара Планина зафаќа површина од повеќе од 4.000 хектари, од кои една третина на територијата на Бугарија, а остатокот во Србија.

– За среќа, пожарот се шири главно на пасиштата, а не кон шумите. Во гасењето се вклучени 150 Бугари и околу 200 Срби. Во тек е истрага за причините за избувнување на пожарот, рече Николов.

Началникот на секторот за вонредни ситуации на Србија, пак, Предраг Мариќ преку соопштение вчера информира дека нема загрозено население во пожарот.

– Напоменувам дека нема загрозено население, ниту објекти и дека на терен се сите расположиви средства и персоналот од Секторот за вонредни ситуации кој работи на локализација на пожарот, наведува Мариќ во соопштението.

Би можело да ве интересира

195 нови случаи на Ковид-19 во Бугарија во изминатото деноноќие

А1он

Голем пожар на Кипар во должина од 20 километри, превентивно евакуирано село

Ландов

Софија: Отстранети шаторите на демонстрантите, приведени организаторите на протестите

А1он

ВИДЕО: Гори зградата на Светскиот трговски центар во Брисел

А1он

15-годишно девојче загина во сообраќајна несреќа во Бугарија, возачот не поседувал дозвола

А1он

ВИДЕО: Ново жариште на Блискиот Исток, пожар и експлозија во Емиратите