Военото атеше на Босна и Херцеговина во Холандија, полковникот Енес Јахиќ, денеска бил приведен под сомнеж дека е вмешан во воени злосторства врз српски цивили во градот Коњиц во 1992 година. Тој бил приведен денеска при влез во БиХ.
Босанското Јавно обвинителство минатата недела објави обвиненија против десетина Бошњаци, кои се осомничени за злосторства врз етнички Срби во Коњиц за време на војната во БиХ.
Јахиќ се сомничи дека бил еден од командантите на силите што извеле напад врз селото Брадина, а по војната во БиХ, тој напредувал во босанската армија и учествувал и на обука во САД.