Градоначалникот на Град Загреб, Томислав Томашевиќ, ја прогласи сабота 21 декември за Ден на жалост во градот Загреб по повод трагичниот напад врз учениците и вработените во основното училиште Пречко.
Млад човек (19) околу 10 часот упаднал во училиштето Пречко и со остар предмет повредил неколку ученици, од кои еден починал, а наставничка e тешко повредена.
Истрагата се уште е во тек. Министерката за здравство Ирена Хрстиќ изјави дека пет лица се во болници и сите во моментов се надвор од животна опасност. Тројца ќе бидат подложени на хируршки интервенции.
– Самиот сторител е надвор од животна опасност, потврди Хрстиќ.