Во понеделник, на 23 март, во Тирана ќе се одржи заедничка седница на Владите на Албанија и на Косово.
Според информации од албанското Министертво за надворешни работи, на кои се повикуваат медиумите, косовската делегација ќе пристигне во 10,30 часот и по церемонијата на дочек во 10,45 часот, во Конгресната палата ќе почне седницата на двете Влади, која ќе биде отворена за јавноста. Заедничкјата прес конференцијата на премиерот Еди Рама и Иса Мустафа е предвидена за 12,20 часот.
На седницата се очекуваат нови предлози за унапредување на соработката, а ќе биде направен и биланс од досега потпишаните меѓувладини договори, за тоа што до сега е реализирано.
Конкретно, на седницата ќе стане збор за веќе потпишаните договори меѓу министертвата за образование, здраство, култура, економија, замјоделие и социјала.
Првата заедничка седницата на Владите на двете земји беше одржана на 11 јануари 2014 во косовскиот град Призрен, каде во 1878 година е формирана Призренската лига, која се залагала за создавање албанска држава, која би ги опфаќала сите територии на кои живеат Албанци.