Во Словенија украдена статуата на Меланија Трамп

Од:

Полицијата во Словенија го истражува исчезнувањето на бронзената статуа на Меланија Трамп, која ја замени дрвената статуа уништена од пожар во 2020 година, пишува Гардијан. Бронзената статуа, прикажана во природна големина, била поставена на трупецот во приватно поле во нејзиниот роден град Севница.

Според полицијата и креаторот на статуата, американскиот концептуален уметник Бред Дауни, статуата била отсечена до глуждовите и украдена. „На 13 мај е примена пријава за кражба, а полициски службеници веднаш излегле на местото и започнале истрага“, изјави вчера портпаролката на полицијата Аленка Дреник Рангус.

Дауни рече дека дознал за исчезнувањето додека подготвувал нов проект во Германија и изразил жалење поради загубата на статуата. Тој исто така изјавил дека бронзената статуа била наменета како анти-споменик и антипропаганда и дека ја заменила изгорената дрвена скулптура.

Оригиналната дрвена скулптура ја прикажува Меланија во син фустан и потпетици, а ја изработи локалниот уметник Алеш Жупевц со моторна пила. Бронзената статуа беше поставена на крајот од првиот мандат на Доналд Трамп, додека тој водеше кампања за реизбор. Беше зајакната со бетонски и метални прачки на приватно земјиште. Истрагата за исчезнувањето на статуата е во тек.

Титулата на Меланија како прва дама ги разбуди надежите во нејзиниот роден град дека Доналд Трамп би можел да ја посети Словенија, што досега не се случило, а во Севница и беа посветени разни производи како колачи, чоколадо, мед и влечки.

Би можело да ве интересира

Меланија Трамп одби да се сретне со сопругата на Зеленски

Моден двобој: Меланија ја покажа својата моќ со голи рамена и со шлиц, Кејт Мидлтон воодушеви со свила и чипка

А1он

Шеширот и облеката на Меланија во Британија привлекоа внимание

Словенечките одбојкари се пласираа во осминафиналето на Светското првенство

Словенечката влада му забрани на Додик влез во земјата

Словенечките кошаркари го победија Исланд и обезбедија место во нокаут фазата на Европското првенство