Во Република Српска денеска без струја се 50.000 домаќинства, изјави портпаролот на „Електрокраина“, Предраг Клинцов.
Најтешка е состојбата во Кнежево, Котор Варош, поширокиот регион Мањача, Рибник и Купрес каде, како што нагласи Предраг Клинцов, електричарите воопшто немаат пристап до локациите на дефектите поради затрупаните патишта, особено во ридските и планинските и шумските предели.
„Апелираме до надлежните да соработуваат за да стигнат до среднонапонските далноводи кои се прекинати. Дел од монтажните екипи од Градишка и Србац се пренасочени како помош во општина Прњавор, која речиси цел ден беше без струја поради дефект на високонапонскиот далновод на Електропренос БиХ“, изјави Клинцов во изјава за РТРС.