Вицепремиерот и министер за внатрешни работи Ивица Дачиќ денеска телефонски разговараше со вицепремиерот и министер за внатрешни работи на Романија Маријана Каталина Предоју и ја информираше дека се пронајдени киднапираните деца од Романија.
Овој случај последниве денови го привлече вниманието на романската јавност.
Имено, министерот Дачиќ ја информирал својота романска колешка дека припадници на Министерството за внатрешни работи, Управата за криминална полиција, Службата за сузбивање криминал и Техничката управа, во соработка со Полициската управа во Ниш, постапуваат по пријава за кривично дело киднапирање извршено во Романија, го уапси романскиот државјанин А. М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Министерот Дачиќ, врз основа на криминално-разузнавачки информации, на својот романски колега му рекол дека српската полиција на улицата Димитрија Туцовиќ во Ниш, само 15 минути по активирањето на српската картичка и мобилниот телефон, околу 14 часот и 30 минути, запрела „мерцедес“ автомобил со романски регистерски таблички управуван од таткото на киднапираните деца А. М. (1970).
Дачиќ додаде дека постојат основи за сомневање дека осомничениот А.М. ги киднапирал децата и ги донел илегално во Србија, како и дека киднапирањето го планирал многу порано.
Романската и српската полиција ќе ги координираат понатамошните активности во овој случај.