Во Косово првороденото бебе е машко. Родено е во една минута по полноќ и се вика Еди. На мајката Афердита Зогај ова и е шесто дете, тешко е 4,6 килограми.
– Пресреќна сум што по пет ќерки ми се роди син и тоа е најубавиот подарок за Новата 2013 година, изјави мајката за косовските медиуми.
Мајката и бебето во Гиниколошката клиника во Приштина ги посетила претседателката Атифете Јахјага, јави дописникот на МИА.
Првороденото бебе во 2013 година во Албанија е женско. Мајката Силвана од Тирана малечката Фјона на свет ја донела во пет минути по полноќ, во гиниколошката клиника „Кочо Глиожени“ во Тирана. Бебето е со нормална тежина од 2,9 килограми и заедно со мајка и се во добра здравствена состојба.
Лани во Косово првороденото бебе беше женско, додека во Албанија машко.