Владата на Јанша со најмала поддршка во анкетите од почетокот на манадатот

Од:

Поддршката за словенечката Влада, предводена од премиерот Јанез Јанша, падна на 27,5 проценти, што е најниско ниво од почетокот на нејзиниот мандат во март минатата година, покажува редовната месечна анкета спроведена за комерцијалната телевизија ПОП-ТВ, соопшти агенцијата Медијана.

Августовската анкета покажува дека 63,9 проценти од испитаниците изјавиле дека не ја поддржуваат актуелната влада, додека 8,6 проценти не одговориле.

Иако Словенечката демократска партија (СДС) на Јанша во моментов би освоила најмногу гласови на евентуални предвремени избори, нејзината поддршка опаѓа. Во моментов, 16,1 проценти од гласачите би гласале за СДС на Јанша, додека минатиот месец 18 проценти ја наведоа оваа партија како свој избор.

Демохристијанската Нова Словенија (НСИ), која е партнер на Јанша во владеачката коалиција, би добила 5,6 проценти од гласовите, што е повеќе од 4,2 проценти во анкетата во јули, а коалициската Партија на модерниот центар (СМС) само 0,5 проценти, со што би останала под прагот за влез во парламентот, покажуваат резултатите од анкетата.

Поддршката за опозициските Социјалдемократи (СД), главните политички ривали на Јанша, за еден месец опадна од 11,7 на 11,1 проценти, додека поддршката за партијата Левица (Л) се зголеми од осум на 8,8 проценти.

Листата Маријан Шарец (ЛМŠ), исто така, забележа пад на поддршката, при што пред еден месец за неа би гласале 7,9 проценти, а сега само 5,6 проценти.

Според анкетата на агенцијата Медијана, партијата на Аленка Братушек (САБ) е во пораст, а сега за неа би гласале 4,1 отсто.

Стагнира поддршката за Словенечката национална партија (СНС), која би добила 1,8 проценти, како и пред еден месец, додека 23,3 проценти од гласачите не се одлучуваат за кого ќе гласаат.

Би можело да ве интересира

Повторно протести во Љубљана против мерките и ковид пропусниците

А1он

Словенечко-хрватската комисија за Кршко задоволна од работата на нуклеарната електрана

Ана Ололовска

Во Словенија секој трет тест е позитивен на Ковид-19

Катерина Павлова-Николовска

Словенечката опозиција бара оставка од Владата поради вакцината „Џонсон и Џонсон“

А1он

Главната и одговорна уредничка на информативната редакција на РТВ Словенија поднесе оставка

Полициски хеликопер нападнат со ласер над Љубљана

А1он