Американскиот помошник-државен секретар по европски и евроазиски прашања Викторија Њуланд престојува во посета на Кипар, каде ќе се сретне со претставници на кипарските Грци и кипарските Турци, соопшти Стејт департментот.
Во Никозија таа ќе разговара со официјални претставници за билатерални и регионални прашања. Таа ќе се сретне со лидерите на кипарските Грци и кипарските Турци и со претставници на Обединетите нации, за да ја истакне поддршката на Вашингтон за пронаоѓање праведно и одржливо решение за кипарското прашање.
Американскиот заменик-претседател Џозеф Бајден претходно на маргините на Генералното собрание на ОН одржа средба со претседателот на Кипар Никос Анастасиадис и лидерот на кипарските Турци Мустафа Акинџи. Бајден ги поздрави напорите за обединување на Кипар.