ВИДЕО: Зеленски тврди дека Русија ги нападнала бродовите во бугарски води, Софија не потврдува

Од:

Два трговски брода беа нападнати во ексклузивната економска зона на Бугарија во Црното Море, при што едниот потона, а другиот беше сериозно оштетен. Киев и Софија изнесоа спротивставени ставови за тоа кој стои зад нападот.

Украинскиот претседател Володимир Зеленски изјави дека станува збор за руски комбиниран напад со поморски и воздушни дронови. Тој рече дека украинската морнарица била во контакт со бугарските власти и нагласи дека украинските сили немале операции во тој дел од Црното Море.

„Еден брод потона, додека другиот претрпе значителна штета. Ова е продолжение на руската стратегија на ескалација“, рече Зеленски.

Бугарскиот министер за одбрана Димитар Стојанов, пак, изјави дека Софија засега не може со сигурност да утврди чиј биле дроновите. Според него, тоа ќе може да се потврди доколку бидат пронајдени остатоци од леталата или доколку една од страните преземе одговорност.

Стојанов оцени дека станува збор за намерен напад, а не за несреќа, додавајќи дека Бугарија со инцидентот станала дел од „хибридната војна меѓу Украина и Русија“.

Нападот се случи околу 70 наутички милји источно од Бјала, на околу 130 километри од бугарскиот брег. Цел беа товарните бродови „Alfa Watan“, под знамето на Того, и „Able“, под знамето на Палау.

„Alfa Watan“ беше тешко оштетен и потона. Неговата посада се води како исчезната, а спасувачките екипи пронашле превртен чамец за спасување и три празни сплавови.

На „Able“, кој превезувал пченица, избил пожар по нападот. Сите 18 членови на екипажот беа евакуирани и спасени од бугарскиот брод „Dioscuria“. Двајца морнари со потешки повреди беа пренесени во болница во Варна.

Еден од спасените турски морнари изјавил дека експлозијата, според неговото чувство, дошла од под површината на морето и изразил сомнеж дека нападот го извршила Русија. Оваа изјава засега не е официјално потврдена.

Бугарскиот премиер Румен Радев го оцени нападот како грубо кршење на меѓународното право и правилата за поморски сообраќај. На инцидентот реагираше и претседателката на Европската комисија Урсула фон дер Лајен, која изрази загриженост поради нападот врз трговски бродови во економската зона на членка на НАТО.

Би можело да ве интересира

Симеон Сакскобурготски: Историјата на историчарите, Македонија во ЕУ

А1он

ВИДЕО: Зеленски откри детали за нападот на Кримскиот мост

Брод за транспорт на гас потона во Црно Море, во тек е потрага по преживеани – седум бродови потонаа за шест недели

ВИДЕО: Украина го повторно го нападна Кримскиот мост, силни експлозии во Киев, погодени два големи моста

ВИДЕО: Украина го погоди Кримскиот мост

Катерина Ѓуровски

(ВИДЕО) Зеленски: Онеспособивме повеќе од 55 отсто од руските капацитети за преработка на нафта

Катерина Ѓуровски