Украинскиот претседател Володимир Зеленски денеска пристигна во Белград, во својата прва официјална посета на Србија откако ја презеде функцијата претседател на Украина.
На белградскиот аеродром го пречека српската министерка за рударство и енергетика Дубравка Ѓедовиќ Хандановиќ, а за денеска и утре се најавени средби со претседателот Александар Вучиќ и премиерот Ѓуро Мацут.
I arrived in Serbia with my team. Important talks are scheduled for today and tomorrow – with President Aleksandar Vučić and Prime Minister Đuro Macut. We will discuss expanding economic ties between our countries, relations with the European Union, other areas that can benefit… pic.twitter.com/97FE3H3RBx
— Volodymyr Zelenskyy / Володимир Зеленський (@ZelenskyyUa) August 7, 2026
„Ќе разговараме за проширување на економската соработка меѓу нашите земји, односите со Европската Унија, како и за безбедносни прашања и други области во кои можеме да најдеме практични решенија од заеднички интерес“, изјави Зеленски по пристигнувањето.
Главни теми на разговорите ќе бидат европската интеграција на двете земји, економската соработка, енергетиката и безбедноста.
Посетата се случува во период кога Србија се обидува да одржи добри односи и со Москва и со Брисел. Белград ја поддржува територијалната целовитост на Украина, но досега не им се приклучи на санкциите против Русија. Српскиот претседател Александар Вучиќ и денеска повтори дека Србија засега нема намера да ја промени таа политика.
Вучиќ и Зеленски веќе неколкупати се сретнаа од почетокот на руската инвазија врз Украина, а последната нивна средба беше минатиот месец во Киев, за време на Самитот Украина – Југоисточна Европа.