Утрово во Цетиње експлодирала бомба пред Спортскиот центар, а во експлозијата загинал членот на Шкаљарскиот клан, Петар Калуѓеровиќ, неофицијално потврдуваат за „Блиц“.
Извор на „Вијести“ од врвот на Црногорската полициска управа изјави дека на повредите им подлегнало уште едно лице, член на истата организирана криминална група.
Да потсетиме, за „Блиц“ беше потврдено дека утрово околу 9 часот имало експлозија во Цетиње.
Од силината на детонацијата испукани се прозорците на зградите, а откорнато е и дрво, јавуваат локалните медиуми.
На местото на настанот е и градоначалникот на Цетиње, Никола Ѓурашковиќ.