Крузерот Амадеа, кој е во сопственост на германска компанија, го привлече вниманието на локалното население кога утринава за малку ќе се превртеше додека пловел во Которскиот залив.
Од Дирекцијата за поморска безбедност и управување со пристаништа за порталот РТЦГ велат дека се информирани за овој настан, но дека нема закана по безбедноста.
Амадеа е еден од помалите бродови за крстарење кој досега пловел во Бока. Долга е 192 метри. Патниците се на 14-дневно патување кое завршува на 4 декември.
Амадеа има 40 апартмани, од кои два се кралски апартмани и 254 кабини.
Црногорската полиција ги предупреди сите учесници во системот за заштита и спасување и повика на оперативна подготвеност поради предвиденото невреме.