Бројот на загинати во пожарите на јужниот брег на Турција денеска се искачи на осум, додека пожарникарите петти ден се борат да го локализираат пожарот, кој и понатаму им се заканува на туристичките места.
Уште две лица денеска загинаа во пожарот во Манавгат, соопшти министерот за здравство Фахретин Коча, додавајќи дека уште десет се хоспитализирани во болницата во таа област.
Стотици турусти беа евакуирани во Бодрум откако огнот опасно им се приближи на хотелите и на куќите.
Стотина пожари избувнаа деновиве во Турција, најголемиот дел се локализирани соопштија властите.
Турската влада вети дека ќе ги обнови оштетените куќи и ќе обезбеди надомест за загубите во областите погодени од пожарите.Пакдемирли рече дека 13 авиони, 45 хеликоптери, беспилотни летала и 828 противпожарни возила биле ангажирани во гаснењето на пожарите.