Најавениот дожд и невремето најпрво пристигна на југот на Србија. Најпрвин Ниш и неговата околина нешто по 15 часот ги зафати невреме и грмотевици, а потоа лошото време се пресели на север.
Во Ниш врнеше силен дожд проследен со ветер и грмежи. Поради лошите временски услови, некои делови од градот останаа без струја. Според нишките медиуми, струја нема во населбата Паси Пољана, дел од Палилула и булеварот Византиј.
Во Александровац, Крушевац, Трстеник и околните места повеќе од еден час врнеше дожд што им создаде големи проблеми на граѓаните. Во Александровац дождот бил толку силен што не можело да се движи по улиците, а од снимките се гледа дека количината на вода е толку голема што се создал порој кој минува низ улиците на овој град, носејќи се пред себе.