Силно невреме со врнежи, ветар и грмежи вечерва пристигна во Белград.
За кратко време наврна големо количество дожд и на улиците се создадоа вистински реки.
Како што може да се види на видеата објавени на социјалните мрежи, во некои делови од градот дождот предизвика поплави.
View this post on Instagram
Проблеми имаа и автобусите на градското сообраќајно претпријатие, кои на некои улици тешко се движеа низ големото количество вода.
На некои места на средината на патот избиваа мали „гејзери“ од канализациониот систем.
На социјалните мрежи беа објавени и снимки од облакот кој се надвисна над Белград непосредно пред почетокот на невремето.