Редовната седница на бугарското Народно собрание беше прекината поради сериозен инцидент и физички судир меѓу пратеници, кој се случи пред очите на јавноста и телевизиските камери.
Инцидентот се случи додека министерот за енергетика во оставка, Жечо Станков, говореше од собраниската говорница и одговараше на прашања од коалицијата „Продолжуваме со промената – Демократска Бугарија“ во врска со проектот за изградба на 7-ми и 8-ми блок на нуклеарната централа „Козлодуј“.
Во исто време, во пленарната сала избувна жестока расправија меѓу Гјунај Далоолу од „ДПС – Ново начало“ и Радостин Василев, лидер на партијата „Морал, единство, чест“ (МЕЧ). Вербалниот конфликт брзо ескалираше во физички судир.
Покрај физичкиот конфликт, двајцата пратеници разменувале и тешки навреди и закани, што дополнително ја влоши атмосферата во салата.